رابطہ عالم اسلامی نے شمال مشرقی افغانستان کے صوبہ قندوز اور دارالحکومت کابل میں ایک وزارت کی عمارت میں ہونے والے دو دہشت گرد حملوں کی شدید مذمت کی ہے، جن کے نتیجے میں متعدد افراد جاں بحق اور زخمی ہوئے ہیں۔

مکہ مکرمہ:

رابطہ عالم اسلامی نے شمال مشرقی افغانستان کے صوبہ  قندوز  اور دارالحکومت کابل میں ایک وزارت کی عمارت میں ہونے والے دو دہشت گرد حملوں کی شدید مذمت کی ہے، جن کے نتیجے میں متعدد افراد جاں بحق اور زخمی ہوئے  ہیں۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ہر قسم کے تشدد اور دہشت گردی کی سختی سے مخالفت کے مؤقف کا اعادہ کرتے ہوئے افغانستان اور اس کے عزیز عوام کے ساتھ مکمل یکجہتی کا اظہار کیا، جو افغانستان کے امن، استحکام اور عوام کی سلامتی کو درپیش ہر قسم کے خطرات کا مقابلہ کر رہے ہیں۔
ڈاکٹر العیسی نے متاثرہ خاندانوں اور افغان عوام سے دلی تعزیت و ہمدردی کا اظہار کرتے ہوئے دعا کی ہے  کہ اللہ تعالی مرحومین کو اپنی جوارِ رحمت میں جگہ عطا فرمائے اور زخمیوں کو جلد صحت یاب فرمائے۔